فى مثل شعبى بيقول( يافرعون إيه فرعنك قال مش لاقى حد يلمنى
أنا مؤمن جدا بالمثل وبصحته يعنى كل البلاوى اللى بتحصل لينا من أول رغيف العيش اللى مش لاقبنه والبيضة أم 75 قرش وكيلو العدس أبو 9 جنيه مرورا بالسرطانات والفشل الكلوى والكبدى الوبائى وإنتهاءا إلى البطالة والتضخم وشوية الأصفار اللى حصلنا عليها واللى محصلناش عليها فى كل المجالات من تعليم ورياضة وتزوير الإنتخابات
إحنا كشعب السبب فى كل ده
إحنا السبب لما بعدنا عن ربنا سبحانه وتعالى وغيبنا اوامره وتعاليمه عن حياتنا
إحنا السبب لما شوفنا الغلط وسكتنا عليه ومشينا جنب الحيط وربينا ولادنا على كده لما شربنا مياه مجارى وأكل مسرطن وإنكتمنا
وقلنا إحنا شعب بياكل الزلط الحمد لله أقل من كده يكفى
إحنا السبب لما ناس مننا بيكون الاداة اللى بيستخدمها فرعون لظلم أى واحد بتسول ليه نفسه إنه يقول لأ
شاركنا فى ظلم نفسنا بدعوى إن دى أوامر لازم تتنفذ والله إنتوا ناس كويسين وإحنا عارفين بس منقدرش
إحنا السبب لما عميد كلية يستدعى طالب زى حالاتى وفى حضور ظابط الأمن يهدده ويقوله لو الكابتن فلان قالى إنك شاركت فى أى نشاط صح ولا غلط أنا هافصلك فصل نهائى
إحنا السبب لما ناس من المفترض إنهم محترمين يتسابقوا لنيل رضا الحزب الواطى عشان يكون ليهم نصيب فى الكعكة
إحنا شعب بجد الرجالة فيه بقوا قليلين جدا جدا جدا
الظلم بينا بقى حاجة عادية وطبيعية والحق تايه
وسلامات للنخوة والرجولة والكرامة والدم الحامى والحضرى رجع بالسلامة
والأهلى عمهم وحابس دمهم
ولو لم أكن مصريا لوددت أن أكون أى حاجة تانية ليها قيمة
ومصر هى مامتى لونها لون تيشرتى
وبالروح والدم نفديك ياريس إنت ومراتك وإبنك
هو إحنا هنغير الكون مفيش فايدة هى خربانة خربانة
والفلسطينين هما اللى باعوا أرضهم يستحقوا كل اللى يحصل ليهم
هناك 5 تعليقات:
مافيهاش ايه؟
مافيهاش عيش
و لا صحة
ولا تعليم
ولا حكومة
ولا نظام
و مانجيلكمش في نظام
-----
وطبعا بعد ليستة المأثورات اللي حضرتك قلتها
بقي فيه حاجة جديدة
الناس كانت بتقول زي ماحضرتك قلت
الفلسطينيين هما اللي باعوا أرضهم ويستاهلوا
الجديد بقي
واحدة بتقول
" احنا ادينا القضية الفلسطينية دي أكبر من حقها"
حقها؟
هو فين حقها؟
افتكر انه احتي ماتعرفش هو ايه حقها
حسبنا الله و كفي
---------
جزاكم الله خيرا علي تقليب المواجع
بس هو ده الحل الوحيد
تقليب المواجع
يمكن فيه ناس تطلع بتحس
لا اختلف معك في اي كلمة قلته
سلمت يداك
نحن السبب
المستبدون لا يحكمهم الا مستبد
الذكر الحكيم يقول (فاستخف قومه فأطاعوه انهم كانوا قوما فاسقين)
صدق الله العظيم
سما الإسلام
المواجع موجودة قدام عينينا مش محتاجة تقليب
دكتو إيهاب إبراهيم بذات نفسه عندى هنا شفتنا يادكتور
انا الذي شرفت استاذ عبدالعزيز باشا
إرسال تعليق