أنا

قلم بيكتب على

الورق

من الزهق

ومن القلق

كتب وكتب

لحد ماخلص الحبر

وكمان الورق

عن أى حكمة يتحدثون

{إنت يا بنى سنك كام ومسئوليتك إيه
عشان تتكلم عن الريس وتقيم مواقفه
يابنى الراجل ده راجل حكيم بيعرف إزاى يمشى أموره ومايدخلش البلد فى مشاكل وفى نفس الوقت يساعد الفلسطينيين من تحت لتحت من غير ماحد يا خد باله
مش إنت يابنى شفت بمكالمة تليفون منه قدر يوقف الحرب على غزة }
هذا هو الشعب المصري عندما يتحدث عن حكمة الرئيس فى التعامل مع العدوان الصهيوني على غزة
أتذكر عنما أسمع هذا الكلام قول الله عز وجل (فاستخف قومه فأطاعوه إنهم كانوا قوما فاسقين)
أصمت كثيرا عندما يردد أحد على مسامعي هذا الكلام الصادم
أضع وجهي بين كفى من القرف
أسائل نفسي
هي الناس دي عبيطة
هو أنا صح ولا هما اللى صح ولا أنا عايش في عالم تانى مختلف عن اللى الناس دي عايشة فيه
ولا خلاص إحنا أجسامنا نحست وإتعودت على الذل والإهانة وفقدوا عقلهم ورجولتهم ونخوتهم وكرامتهم
وقلوبهم أصبحت متحجرة
عن أى حكمة يتحدثون
بلد إيه اللى سيادته بيحافظ عليه
مصر ولا الكيان الصهيوني
وبيخاف على أرواح مين
الشعب المصري اللى فيروس سي مخلص على كبده ومية الشرب مدمرة كليته
الشعب المصري اللى بيتذل في كماين المرور وبتنهدر كرامته يوميا في أقسام الشرطة
وبيموت بالمئات يوميا بسبب حوادث الطرق والسرطان
وبيطلع عينه كل يوم في طوابير رغيف العيش وأنبوبة البوتاجاز
الشعب المصرى اللى شبابه بيموتو متجمدين أوغرقانين وهما هربانين بجلدهم من الفقر والظلم والبطالة
أرواح مين
المصريين ولا الصهاينة
من الواضح إن الشعب هلوس
ولا زى ما قال القرآن(ما أريكم إلا ما أرى وما أهديكم إلا سبيل الرشاد)
وحرب إيه اللى إحنا مش عايزين ندخلها
خساير مين اللى بيتكلم عنها الناس دى
هو إحنا مبنقراش قرآن ولا إيه العبارة
بناخد اللى على مزاجنا وشكرا
مفيش مرة لفتت انتباهنا آيات الولاء والبراء
الولاء لله ورسوله والبراء ممن يعادون الله ورسوله
البراء من قتلة الأنبياء والأطفال
البراء منهم وممن يعاونهم
مبنخدش بالنا من آيات التضحية والجهاد وأجره وآيات الحث عليه ومنه جهاد الحاكم الظالم
وبعدين هو إيه الحلو في حياتنا يخلينا نتمسك أوى بيها ويخلينا نخاف من الحرب والجهاد
أحدث نفسي
فعلا هو يعنى الشعب المصري الذي لا يضحى من أجل نفسه هيضحى عشان غزة وفلسطين والمقدسات والأرض والكرامة والشرف والعرض والرجولة والنخوة والكلام الفاضى ده اللى مابيجبش همه
إعذرونى إن الكلام ملخبط ويائس وداخل فى بعضه لأني حاسس بقرف وخنقة وأنا عايش بين مجموعة من الأموات
حاسس إني بشارك فى مسلسل عبثي بايخ على رأى اسمه إيه ده المتعوس الفلسطيني
مسلسل ممل اسمه العيشة فى مصر
مسلسل كله أحداث مزيفة
كل يوم
اعتقالات تطول أعضاء جماعة الإخوان المسلمين بتهمة التظاهر من أجل فلسطين أو الانتماء لجماعة محظورة أو العمل على قلب نظام الحكم مش عارف هو فين نظام الحكم ده
كل يوم ذل وبهدلة وقلة قيمة وإحساس مريب بالغربة فى بلدنا
بجد الواح معدش فاهم أى حاجة فى البلد دى
منين بيودي على فين ومين مع مين على مين
وكل يوم إسرائيل تقتل فلسطينيين
وكل يوم نسمع تصريحات غبية من شوية متخلفين بيقولوا عنهم صناع القرار
وكل يوم كتابات حاقدة من شوية كتبة مرتزقين ونفعيين بيروجوا إشاعات يستقبلها الشعب المصرى بحفاوة
أستغرق فى تفكيري
صدقا
أتمنى لو أنني حمساوى مرابط على أحد الثغور أقاتل اليهود وأدافع عن الأرض والعرض
رغبة منى فى العزة والكرامة
من قال أن الجهاد فى سبيل الله دفاعا عن أرضنا وعرضنا خسارة
يقول ذلك مبارك الحكيم
لكن الله يقول غير ذلك
يقول الله تعالى
(والذين جاهدوا فينا لنهدينهم سبلنا )
(أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين)
وهو أعز من قائل (قاتلوهم يعذبهم الله بإيديكم ويخزهم ويشفى صدور قوم مؤمنين)
والرسول صلى الله عليه وسلم يقرر فى سنته المطهرة
(ما ترك قوما الجهاد إلا ذلوا)
وقرر أيضا
(من مات ولم يغزو ولم تحدثه نفسه بالغزو مات ميتة الجاهلية)
إذن الله تعالى يقول لنا وحدثنا وأخبرنا
والنبي صلى الله عليه وسلم يقرر
وحسنى مبارك الحكيم يقول ويبوس ويحضن ويبتسم ويهنىء ويمد بالغاز ويطبع ويتعاون
فمن نصدق وإلى رأى من نقف
إذا صدق الناس فى مصر أنفسهم لأجابوا أن هذا الرجل ليس منا ولا من جنسنا
هو منهم (ومن يتولهم منكم )
وإلا لماذ
يعتقل من يخرجون في مسيرات تضامنية مع غزة
لماذا يغلق المعبر فى وجه المساعدات والأغذية والأدوية
لماذا يصر هو وحكومته على مد إسرائيل بالغاز
لماذا يصر على مقابلة كل من له علاقة بإسرائيل أخذا إياه بالإحضان
بينما يرفض مقابلة الدكتور القرضاوى ووفد العلماء
لماذا يصر على إذلالنا ووأد كرامتنا
نعم ياسيدى إنها الحكمة
ولكن
الحكمة في المحافظة على الكرسي
يقول النبي صلى الله عليه وسلم
(إذا تبايعتم بالعينة واتبعتم أذناب البقر،ورضيتم بالزرع ،وتركتم الجهاد فى سبيل الله ،سلط الله عليكم ذلا لاينزعه عنكم حتى تعودوا إلى دينكم)

خالد يحى ... حر رغم أنف أمن الدولة

خالد يحى

صاحب أعذب صوت سمعته فى حياتى

من أطيب الناس اللى أنا عرفتها

خالد يحى

المنشد

اللى غنى فى حملة الإتحادالحر(حريتنا حقنا)

( بعد الإغتراب قالوها الطلاب

دى الحرية حياتنا والمولى غايتنا

ومصحفنا شعار)

خالد يحى

(يلا إيدى فى إيدك نعمل عيدى وعيدك نصنع الحياة

بطريق الكرامة ترجع الإبتسامة والمجد وضياه

حريتنا نادت لما الضلمة زادت)

خالد اللى غنى للحرية وللكرامة

مسجون خالد يحى حر رغم أنف أمن الدولة

تم إعتفاله فى يوم الجمعة 6-2 أثناء مشاركته فى مظاهرات مدينة نصر

خالد يحى

ربنا ينتقم من اللى إعتقلوك وأخدوك من أهلك وشغلك

خالد

إنت فى قلوبنا

وعقولنا

خالد حر مش مسجون

خالد يحى

طيبة ورقة ونقاء وشياكة وأناقة وإلتزام

خالد

مثال رائع لشباب الإخوان المسلمين

خالد

إحنا كلنا فى إنتظارك

ياريت فعلا تفارقنى

ليه يا حزن مصاحبنى
وساكن قلبي وملامحي
وسارق ضحكتي منى
معذبنى
خلاص
مفيش في الدنيا
دي غيري
ياريت فعلا
تفارقني