إمبارح كان حفل تنصيب إتحاد الجامعة بقاعة الإحتفلات بكفاية إنتاجية
المهم معالى الدكتور نائب رئيس الجامعة أحمد الرفاعى بهجت ألقى كلمة بالنيابة عن رئيس الجامعة قال فيها موجها كلامه لأعضاء الإتحاد والكلام لسيادته وموجه لأعضاء الإتحاد
أنتم جئتم إلى هنا بإرادة زملائكم
مائة وخمسة ألف طالب إختاروكم لتمثلوهم
ومش عارف بصراحة الدكتور كان بيتكلم عن جامعة الزقازيق ولا عن الجامعة الأمريكية
ولا يمكن أنا يعنى مكنتش واخد بالى
كل شىء جائز
إنتخابات مرة واحدة وكمان شارك فيها 105 ألف طالب من 107 ألف طالب
صباح الإيجابية والديمقراطية والمولوخية
الحفل كان فيه حاجات كتير تانية من نفس النوعية بتاعة كلام الدكتور
مش عايز أفتكره أحسن لى وأحسن لكم
هناك 8 تعليقات:
والله حاجة تجيب المرارة
الناس دي عايزة حد مرارته بلاستيك علشان يتحمل كذبهم
طيب و هو بيكلمهم ما هما عارفين انهم جايين بلطجة مش بانتخابات
يعني بيكذب علي مين
أهي دي الناس اللي بتكذب و تصدق نفسها
حسبنا الله و نعم الوكيل
أيو عليك
يا عبده
كده برده
منكم لله ملوتوا البلد
خليكوا ورا الشعارات الكدابة دى
قيادتكم قاعيد نف التكيفات فوق و إنتوا اللى بتتمرماطوا
ضاحكين عليكوا
========================
بالراحة بس يا عبده
ده كان نص كلام نائب رئيس الجامعة ليا ف أول سنة انتخابات اتحاد حر
بص يا عبده
كلهم عجينة واحده
==================
فكك منهم
في ناس مش شايفة .... كتر الكدب خلاهم صدقوا نفسهم .... بيفكرني بالفيلم اللي كان فيه واحد كان متضايق انه قصير ...ففضل يكرر جملة : انا طويل و اهبل انا مش قصير قزعة ....!!!!
اكثرهم لا يعقلون ..
غالبا جامعة نيويورك !
السلام عليكم
كنت اود الحديث مع إخواني
في ظروف أفضل من هذه
ولكن..
تدمي العيون لمرأي إخواننا وأهلنا في غزة
يموتون حصارا ورعبا وجوعا ومرضا ونحن صامتون ساكتون وبيدنا الكثير لنفعله
&&&&&&&&&&&&&&&&&&&&&&&&&&&&&&&
حسبنا الله ونعم الوكيل .. ياربنا نصرك الذي وعدت . علي مدونتي محاكمة تدوينية للحكام العرب
أخت مسلمة
نورتينا يافندم
---------------
حمعاوى باشا
فكتنى منهم خلاص
أى خدمة
-------
دكتور خبيب
تمام يادكتور
جامعة السربون
-------------
تلفزيون ملون
شرفتنا
كله كلام يا عمى
كله كلام يا عمى
محمد جمال الياسرجى
إرسال تعليق